Post Thumb

නිරිත දිග බෙංගාල බොක්ක මුහුදු ප‍්‍රදේශයේ පවතින අඩු පීඩන තත්ත්වය ශ්‍රී ලංකාවෙන් ඉවතට ගමන් කරමින් පවතින බව කාලගුණ විද්‍යා දෙපාර්තමේන්තුව පවසයි.

එබැවින් මෙයින් ශ්‍රී ලංකාවට අඩු බලපෑමක් ඇතිවනු ඇතැයි අපේක්‍ෂා කරන බව කාලගුණ විද්‍යා දෙපාර්තමේන්තුවේ ප‍්‍රකාශකයෙක් පැවසීය.

මේ වන විට මෙම අඩු පීඩන කලාපය ත‍්‍රිකුණාමලයේ සිට කිලෝමීටර 800ක් පමණ ඊසාන දෙසින් පිහිටා ඇති අතර එය ඉදිරි පැය 6ත් 12ත් අතර කාලයේදී පීඩන අවපාතයක් බවට පත්වී බෙංගාල බොක්ක මුහුදු ප‍්‍රදේශයෙන් උතුරට බරව වයඹ දෙසට ගමන් කරනු ඇතැයි බලාපොරොත්තු වන බව ද එම ප‍්‍රකාශකයා කීවේය.

මෙහි බලපෑමෙන් දිවයිනේ ඊසානදිග සහ නැගෙනහිර වෙරළට කිලෝමීටර් 300ක් දුරින් වන මුහුදු ප‍්‍රදේශවල පැයට කිලෝමීටර 80, 100 තරම් වේගවත් තද සුළං ඇතිවිය හැකි බැවින් එම මුහුදු ප‍්‍රදේශ ඉතා රළු විය හැකි බවත්, හම්බන්තොට සිට ත‍්‍රිකුණාමලය හරහා කන්කසන්තුරය දක්වා මුහුදු ප‍්‍රදේශ විටින් විට තරමක් රළු විය හැකි බවත් කාලගුණ විද්‍යා දෙපාර්තමේන්තුව පවසයි.

  • Views 1